香港總商會

風浪平息 總商會高層連任
【明報專訊】香港總商會噚日舉行周年會員大會，正副主席、理事等順利連任，雖然早前出現種票疑雲，仲有人想將副主席周松崗拉落台，但主席胡定旭就話，噚日周年大會都開得好有效率，當日所講疑種票40間公司，最終全部無入會。

胡定旭話，今屆任期最重要任務係睇實競爭法，佢強調商會非常贊成立法，但現時條文有好多唔清晰地方，對中小企影響好大；利得稅方面，總商會就繼續要求特首曾蔭權履行競選承諾，任內將利得稅由16.5%減至15%，胡定旭話減少少對政府影響唔大，但就可以保持香港競爭力。

胡定旭搭船搭電車忙足一日

噚日胡定旭同總裁方志偉都好忙，因為總商會慶祝150周年，天星小輪同部分電車都可以免費搭，胡、方兩人一早搭完船又搭電車，向市民派發總商會紀念首日封，下午又開記者會，夜晚又要出席周年會員大會！